زهقان من نفسك
مش طايقها
حاسس انها هي السبب في كل القرف اللي انت فيه
طيبة اوي زيادة عن اللزوم
على نياتها .. والنية بالفطرة خيرة والخير والصدق بقوا عيب
ولما تجيب لك وجع القلب تلاقيها برضه بتتصرف بنفس الطريقة بتاعه كل مرة
عايزة تصالح وتسامح وتنسى وتغفر
بجد .. نفسك دي عايزة القتل
اه .. تقتل نفسك هو ده الحل
مش هي مضيقاك ؟ ابقى شرير واقتلها
بس ساعتها برضه محدش هيحبك
مش مهم
المهم انك ترتاح من نفسك
4 comments:
لو واحد خايف و عايز يقتل نفسه هيخاف يقتلها أصلاً أو نفسه مش هتطاوعه
لكنه بكدة مش بيقتل نفسه بس
ده بيقتل نفسه وبيقتل روحه معاها
وكمان قلبه
وأنا مهما كنت بخاف أنا مش هخاف م الموت
أنا قلبي عايش حر والحر مش بيموت
تحياتي
بما إن نفسى طيبة وبتسامح يبقى مش هى اللى تستحق القتل
يبققى أنا إللى أستحق القتل عشان مش عارف أبقى زيها وكمان مش عارف أبقى زى بقيت الناس (دى خيبة إيه دى بس ياربى)
الانسان يقع فى طريق طويل عند طرف الطريق الاول يقف الملاك وعند الطرف الاخر يقف الشيطان فإما أن تقترب من هذا او تقترب من ذاك ولكنك لا تستطيع ان توكن ملاكا أو حتى أن تكون شيطانا (بس خللى بالك إتجاه الريح دايما مع الشيطان)إذا فالوصول للملاك أصعب .. وبقتلك لنفسك فأنت تتخذ أقصر الطرق لتكون شيطانا ..فنصيحتى لا تحاول أن تكون شيطانا ولا ملاكا حاول أن تكون ..... إنسان.
محمد شعبان
الأستاذ
تشرفت بزيارتك
نفسه هي روحه وهي قلبه
وطيبة نفسه هتمنعه انه يقتل نفسه
ارق تحية
mycore
رد مقنع وتشبيه بليغ
ولف وارجع تاني
وامشي عكس الريح
ارق تحية
Post a Comment