ياترى تعرف ايه هو الهدف من اي اعلان ؟
طيب تعرف ازاي تعلن عن السلعة اللي المفروض انك بتعلن عنها ؟
طيب تعرف الاعلان في التليفزيون بيتكلف كام ؟
اقولك .. مش لازم تعرف بس تعالى اتفرج معايا على التلفزيون المصري وانت تعرف لوحدك قواعد الاعلان الناجح من غير ما تدرس تسويق ولا تتعب نفسك
***********
بعد الفطار في رمضان مباشرة افتح التليفزيون وعد معايا هنشوف مع بعض كام اعلان والاعلان هيتكرر كام مرة وانت استفدت ايه في كل مرة .. اتفقنا ؟
واحد بيعلن عن نفسه ؟ اقولك ازاي
لما يكون هو المصنع الوحيد للسلعة اللي المفروض انه بيعلن عنها يبقى بيعلن عن ايه ؟
لما الاعلان يخلو تماما من الاشارة ولو بالتلميح حتى عن مميزات السلعة أو جودتها ويتركز كله في اذلالك كمواطن بان العاملين لدى هذا الرجل يعملون – وانت قاعد - منذ سنوات طوال بجد واجتهاد وانه يمتلك س من المصانع وانها مجهزه بأطباء ! ومهندسين ! وطباخين ايضا لطهو مختلف الاصناف التي تتفق وشهية كل موظف لديه !! فعن ماذا يعلن هذا الشخص ؟
عندما يستمر الاعلان لمدة قد تصل للخمس دقائق .. ويتكرر كل ربع ساعة تقريبا ، فما توقعاتك لثروة ذلك الشخص ام انه اعلان مدفوع الاجر مسبقا ؟
---------------
طبعا مصلحتك اولا ! اقولك برضه ازاي
الضرائب كلنا عارفين انها من اهم مصادر الايراد للبلد .. كلام جميل وهي كده فعلا بس الايراد ده يعني مش بنشوف منه حاجه ؟
والاعلان الجاي هياكد لك كلامي .. بس خلينا في الضرايب دلوقتي
القانون الجديد اللي واجعين راسك بيه يا مواطن محدش فاهمه اساسا ، وبغض النظر عن النقطة دي الاحصاءات المبتذلة اللي بينزلها في الاعلان كاذبة ولا تمثل الدخل الحقيقي .. ولكي اصدق ايا من هذه الاعلانات لابد ان أرى أولا نتاج حصيلة الضرائب والفرق الذي حدث في الخدمات عقب القانون الجديد .. عشان أقولك اشجيني : الضرايب .. مصلحتك اولا
يا سيــــــــدي
----------------
رمضان ييجي وأبواب الخير تتفتح ويتفتح معاها أبواب الشحاته على البلد وسكان البلد !! أقولك انا ازاي
جميع أنواع الشحاته ممكن تشوفها في اعلانات رمضان يصاحبها نفس الصوت المستفز لذلك الرجل ، من اول المستشفى اللي اتبنت واتجهزت واشتغلت بفلوس الناس الغلابه اللي عايزين يعالجوا ولادهم لغايه اللي مش لاقي ياكل واللا معاق واليتيم وغيره وغيره ..
أسأل سؤال بس ، اللي عايز كشك يعيش منه ده مسؤول مني واللا من الحكومة ؟
فين الضرايب وفلوسها وحصيلتها اللي زادت اللي بتقولنا في الاعلان اللي قبله على طول ان من غيرها مفيش مستشفيات هتتبني ؟ وبيها كمان مفيش مستشفيات هتتبني !!
لما عملت احصائيه بعدد اللي محتاجين في البلد كتر الف خيرك مش بتساعدهم ليه انت من فلوس الضرايب واللا من اموال رجال الاعمال اللي ربنا فاتح عليهم ؟
يا عم الناس فيها اللي مكفيها وكل واحد بيتصدق باللي يقدر عليه ومش مستني المناظر اللي تقطع القلب اللي بتجيبها عشان يتصدق
قول لحكومتك تصرف على الغلابه دول وتعمل لهم مستشفيات بدل المنتجعات والملاهي الليلية .. اهي نصيحة والسلامة هتنفعك يوم القيامة
!!
----------------
عشان تعرف ان الناس مستويات وانك مكتوب عليك الغلب والشقا اتفرج معايا على الاعلان الجاي
مدينة الاحلام طبعا
يجيب لسيادتك حلم جميل .. خضرة وحمامات سباحة وفيلل نوادي وفنادق ومجمعات تسوق من صنع الخيال ويقولك عيش الحلم حقيقة .. عيشه في كل دقيقة على رأي محمد فؤاد دي الحقيقة وانت عارف ان ده مش حلمك ولا عمرك هتحلمه ولا هتحققه بس هتتأكد وقتها ان ده حلم ناس حلمت بده والدوله حققتهولها وانت بقى احلم على قدك وبرضه مش هتحقق حاجه عشان اول ما الدوله تشم خبر انك بتحلم بحاجه وهتضيع فيها فلوسك يطلع لك ملاك الرحمه يقولك : اتبرع ولو بجنيه
----------------
عشان تعرف ان الناس مستويات وانك مكتوب عليك الغلب والشقا اتفرج معايا على الاعلان الجاي
مدينة الاحلام طبعا
يجيب لسيادتك حلم جميل .. خضرة وحمامات سباحة وفيلل نوادي وفنادق ومجمعات تسوق من صنع الخيال ويقولك عيش الحلم حقيقة .. عيشه في كل دقيقة على رأي محمد فؤاد دي الحقيقة وانت عارف ان ده مش حلمك ولا عمرك هتحلمه ولا هتحققه بس هتتأكد وقتها ان ده حلم ناس حلمت بده والدوله حققتهولها وانت بقى احلم على قدك وبرضه مش هتحقق حاجه عشان اول ما الدوله تشم خبر انك بتحلم بحاجه وهتضيع فيها فلوسك يطلع لك ملاك الرحمه يقولك : اتبرع ولو بجنيه
!!
------------------
حاسب ليدوسك القطر .. قصدي ليفوتك القطر
اعلان مستفز جدا .. مطلوب شهادات عليا للعمل كعمال في مصانع
ولما تعترض يرد عليك بكل سماجة : الحكومة هتعمل بيك ايه ؟
امال الحكومة عايزة مين اذا مكنتش عايزة الناس دي حملة الشهادات العليا ؟؟
ااااااه افتكرت عايزة العسكريين وبس
اما صاحب الشهادة العليا نستغله اكتر واكتر واحنا عارفين ان مش معاه يمكن ثمن المكالمة اللي بنطالبه بيها .. بس يستلف ويتصل زي غيره وفي الاخر اهي لعبة بنضرب بيها عصفورين بحجر ، نجمع فلوس الاتصالات من جهة ونهدأ الرأي العام المطالب بوظائف للخريجين ..
وقوم بقى انت لسه قاعد ؟ اقوم الحق القطــــــر
----------------
واخيرا مصر بتعلن عن نفسها
اعلان لوحده ييجي عشر دقايق .. وايه الهدف ؟ الصراحة معرفش
ناس بتحلم .. والحلم مشروع وكلنا بنحلم بغض النظر اذا كنا بنحقق احلامنا دي او لا بس ادينا بنحلم ايه الجديد يعني ؟
جاي تقولي اننا بنزرع وبنقلع .. سوري نسيت انك بتوريني جانب مشرق وبس من بلدنا يبقى نعيد الجزء ده
بنزرع .. بنبني .. بنعلي .. ماشاء الله ماشاء الله
وكل الناس حلوة ومبسوطة والبلد كلها بتعمل على قدم وساق ومش ناقص غير العبد لله اللي هو انا الي قاعد اتفرج ومقدمتش حاجه لبلدي ومتخلف عن الجهاد .. اخص اخص ..
المطلوب بقى انك بعد الاعلان مباشرة تنضم للحزب الوطني الديمقراطي اللي تفضل مشكورا بعمل الاعلان الوطني المحفز لكرات الدم المصرية بداخلك ، وتشكره وتقدس اعماله اللي شرحهالك في الاعلان واللي خلتك عايش في رفاهيه منقطعة النظير وتغني : هشتكنا وبشتكنا يا ريس .
طبعا يا ابني
دي مصر بتتقدم بينا
--------------
وتقوم تنام بعد كم الاعلانات الهائل ده وانت حاسس بروح الوطنية بترفرف حواليك وحاسس بمشاكل الناس وعشت معاهم افراحهم واحزانهم ، اللي مش لاقي ياكل واللي من كتر الاكل مش قادر ياكل
وتدور على نفسك بين كل دول تلاقي انك انت اللي بتصرف على الاثنين
عرفت دلوقتي فلوس الاعلانات دي بتيجي منين ؟
------------------
حاسب ليدوسك القطر .. قصدي ليفوتك القطر
اعلان مستفز جدا .. مطلوب شهادات عليا للعمل كعمال في مصانع
ولما تعترض يرد عليك بكل سماجة : الحكومة هتعمل بيك ايه ؟
امال الحكومة عايزة مين اذا مكنتش عايزة الناس دي حملة الشهادات العليا ؟؟
ااااااه افتكرت عايزة العسكريين وبس
اما صاحب الشهادة العليا نستغله اكتر واكتر واحنا عارفين ان مش معاه يمكن ثمن المكالمة اللي بنطالبه بيها .. بس يستلف ويتصل زي غيره وفي الاخر اهي لعبة بنضرب بيها عصفورين بحجر ، نجمع فلوس الاتصالات من جهة ونهدأ الرأي العام المطالب بوظائف للخريجين ..
وقوم بقى انت لسه قاعد ؟ اقوم الحق القطــــــر
----------------
واخيرا مصر بتعلن عن نفسها
اعلان لوحده ييجي عشر دقايق .. وايه الهدف ؟ الصراحة معرفش
ناس بتحلم .. والحلم مشروع وكلنا بنحلم بغض النظر اذا كنا بنحقق احلامنا دي او لا بس ادينا بنحلم ايه الجديد يعني ؟
جاي تقولي اننا بنزرع وبنقلع .. سوري نسيت انك بتوريني جانب مشرق وبس من بلدنا يبقى نعيد الجزء ده
بنزرع .. بنبني .. بنعلي .. ماشاء الله ماشاء الله
وكل الناس حلوة ومبسوطة والبلد كلها بتعمل على قدم وساق ومش ناقص غير العبد لله اللي هو انا الي قاعد اتفرج ومقدمتش حاجه لبلدي ومتخلف عن الجهاد .. اخص اخص ..
المطلوب بقى انك بعد الاعلان مباشرة تنضم للحزب الوطني الديمقراطي اللي تفضل مشكورا بعمل الاعلان الوطني المحفز لكرات الدم المصرية بداخلك ، وتشكره وتقدس اعماله اللي شرحهالك في الاعلان واللي خلتك عايش في رفاهيه منقطعة النظير وتغني : هشتكنا وبشتكنا يا ريس .
طبعا يا ابني
دي مصر بتتقدم بينا
--------------
وتقوم تنام بعد كم الاعلانات الهائل ده وانت حاسس بروح الوطنية بترفرف حواليك وحاسس بمشاكل الناس وعشت معاهم افراحهم واحزانهم ، اللي مش لاقي ياكل واللي من كتر الاكل مش قادر ياكل
وتدور على نفسك بين كل دول تلاقي انك انت اللي بتصرف على الاثنين
عرفت دلوقتي فلوس الاعلانات دي بتيجي منين ؟
No comments:
Post a Comment