Tuesday, December 25, 2007

الفستان الأبيض


تسمرت عيناه في عيناها ويداه قابضتان على ذراعيها

صمت ساد بينهما لدقائق عدة

انتظرت أن ينطق بما تنتظره من كلمات

ولكن نظرته أخذت في الاشتعال اكثر فأكثر

حتى كادت تحرقها خوفاً وهلعاً

ليـــــــه ؟؟

قطعت كلمته الطريق على أفكارها الحائرة

فانتفضت بين يديه

يده التي ارتخت بعد ان انفجر بركان ذكرياته

وحرر قيود عينيها التي كبلها منذ لحظات

لتتحرك عينيه بعشوائية على فستانها الابيض وهو يحدث نفسه

لماذا تركتيني ؟ ألم تكوني لي ؟

ألم أعدك بيوم كهذا وفستان كهذا ؟

..عودي إلي .. فأنا لازلت على عهدك



هنا نظرت لأصابعه التي اتجهت نحو خاتم زواجه

لتفاجئ بانه

!!ليس خاتمها

20 comments:

shayma said...

بجد تحففففففففففففه
هنا نظرت لأصابعه التي اتجهت نحو خاتم زواجه

لتفاجئ بانه

!!ليس خاتمها

بجد حلوة اوى
بس بجد ليه؟؟؟؟

The Queen said...

shayma

ازيك يا قمر

انتي أحلى

بجد ليه ؟ عشان حظها

نورتيني

رئيس جمهوريه نفسى said...

صحيح بجد ليه
بس لو ليه راى اعتقد انها لو اتفاجات انى الخاتم الى فى ايدها مش بتاعه هو كانت بقيت اقوى
بس الفكره والكلمات روعه

shayma said...

حظها منيل
وعجبتنى فكرة الرئيس
هتبقى جامده المفاجأة اوى لما الخاتم الى فى ايدها يطلع مش بتاعه
بس طبعا تحفه برضه وحظهم هم الاتنين طين عالاخر
ربنا يستر علينا
:)))))))))

osama said...

ليس كل ما يتمناه المرء يدركه.. اتراه كان يظن ان هذه اللحظة لن تأت قط ..
لم يتصور قط ان الخاتم الذي في اصبعها والذي في اصبعه لن ينقش عليه اسميهما...
لذك صدم واحترق حين رأى النهاية هكذا....

عبرت عن الموقف ببراعة...
دمت بكل ود..
خالص تحياتي

فرنسا هانم said...

معلش جات اوت
لكن
الجواز ده نصيب
كلامك ملكى يا ملكه

mycore said...

انا شايفها تنفع مشهد ماستر فى فيلم
مشهد أساسى يعنى ومهم أوى لأنها تعتبر نقطة تحول فى الأحداث بغض النظر عن ايه هى الأحداث؟
تقدرى تقولى نقطة تحول فى الشخصية سواء الشاب أو الفتاة
تعرفى إن فى ناس كتير والحمد لله أنا منهم ممكن من فكرة حلوة صغيرة يعملوا نص مسرحى أو سيناريو سينمائى
يالا ياستى -_- ورينا قصة طويلة أو سيناريو ان شاء الله فيه المشهد ده ونلاقى بقى إسمك على بوسترات الافلام
سيناريو وحوار/ الملكة
وتبعينا بقى وتركبى عربية كاديلاك وتصيفى فى ولاية ميامى
ههههههههههههههههه
سرحت بخيالى صح؟

دى مدونتى الجديدة
www.matrix-new.blogspot.com

ياريت تنورى المدونة وتجيبى قرايبك وصحابك عشان (نعزمكم) على سمك بلغة الاسكندرانية إللى مصممين يطلعوها فى المسلسلات مع إنها إنقرضت من زمااااااااااااااان


يا نهار ابيض .... نسيت انا عندى مذاكرة
إدعولى فى الامتحانات والنبى

سلام


شعبو...

The Queen said...

سيادة الرئيس

انت جاوبت ليه .. وفكرتك او اقتراحك جميل برضه بس لانه هو الراجل فشفت ان الموقف وهو بيسترجع ذكرياته ووفائه هيكون وقعه افضل على القارئ من لو ان البنت هي اللي بتسترجع ذكرياتها

شكرا لمرورك ورايك

تقبل فائق الاحترام

The Queen said...

shayma

فعلا معاكي حق .. الليلة باظت خالص

هههههههه ربنا هيسترها يا قمر

شكرا شيمو على المتابعة

The Queen said...

osama

بأحييك على محاولتك الوصول للمغزى المقصود

ولكنك رسمت لوحة رائعة أخرى وقاسية أيضا بكل المقاييس ولكن على كلا الطرفين

كل الشكر لزيارتك وتشريفك مدونتي

The Queen said...

فرنسا هانم

اكيد الجواز نصيب مفيش كلام

ربنا يعوض عليها

كلامك زي العسل يا خالتي

منورة

The Queen said...

my core

أهلا محمد باشا

والله انت وصلت لكتير اوي من أصل الفكرة بكلامك .. ماشاء الله عليك .. لا انت تسيبك من التجارة وركز في السينما هتبقى نجم ومش هتعبرنا بعد كده
مبروك عليك مدونتك وطبعا اكيد هتابعها شد حيلك في الامتحانات وربنا معاك

تحياتي

mycore said...

صباح الفل
كنت عاوز بس أعرف ياملكة مجلة مصرى وقفت ليه؟ وكريم كمان على فكرة مش بيدخل على النت بقاله فترة طويلة وكان مدينى نمرة تليفونه بس ضاعت منى فياريت لو عندك أى وسيلة إتصال بيه تبقى تطمنينى عشان قلقان عليه بصراحة لأنه أول مرة يغيب كده

آسف للإزعاج

The Queen said...

my core

كل سنة وانت طيب يا محمد والسنة الجديدة تكون افضل من اللي فاتت ان شاء الله

والله انا برضه قلقت بس اخر مرة بعت لي كريم قالي انه مشغول اوي في الامتحانات واتاخر فعلا اوي في الرد على ايميلي ومن بعدها موصلنيش منه اي حاجه

للاسف بقى ان طريقه الاتصال الوحيدة بكريم عن طريق الميل ومعرفش رقم تليفونه او اي شئ حتى عنه

ياريت لو بتكلم اي حد تاني من المجله تسأله وتبقى تطمني وان شاء الله خير اكيد مشغول في امتحاناته زي ما قال

Desert cat said...

المفاجاة فى ختام زواجها
وده معناه انه خانها
وانا بكره جدا الخيانة
دمتى بود

walaa said...

جميله قوى كلماتك
اكييد هتلا قى الخاتم بتعها عند انسان يستاهلها
تحياتى لك ولاء

The Queen said...

desert cat

وصلتي لأقرب نقطة من المعنى المقصود

ومن منا لا يكره الخيانة ؟

دمتي بكل حب

The Queen said...

walaa

يارب تلاقيه

منورة يا قمر

Dr-Online said...

جميلة جدا
بجد حلوة قوي

اية الكلام الكبير دة
واية طريقة الكتابة الاجمل دي ؟
بجد اهنيكي عليها
وكمان اهنيكي علي المدونة الجميلة
الرقيقة الهادفة
واهنيكي علي امتلاكها

The Queen said...

Dr-Online

ميرسي جدا على الزيارة وعلى الكلام الجامد جدا ده

سعيدة بإن المدونة عجبتك ويشرفنا انك تكون متابع لها

أرق تحية