Thursday, December 20, 2007

!من تكــــــــــون ؟



يتسائلون عنك .. من تكون ؟



يتخيلون ويصفون



يرددون اجل صفات الرجال



يرسمون كل يوم صورة جديدة لك في الأذهان



وينتظرون أن اصفك



أن أبوح بسرك



أن اخبرهم عنك



انت يا عالمي الصغير



كيف أصفك لهم وماذا اقول



أهوى الحديث عنك يا عمري .. ومنى القلب أن أجيب



ولكن ما احلى ان تظل بعيني شعاعا من نور



يراك الكون في بسماتي .. ويقرؤنك في كلماتي



وأهم بالحديث عنك فتهرب الكلمات من شفاهي



وكأنها تغار عليك أن يعرفوك



او ان يرونك في طيات الكلمات وثنايا الحديث



وكم تشعر بالعجز حين اطالبها بوصفك



فما قيمة جمال الوصف حين يصفك ؟



وهل لازهار الياسمين عبير في حضورك ؟



اصبحت عنوانا لقصائد الشعر



فما لتعابيري البسيطة في وصفك مجال الآن



فقط سأصفك بصمتي



وتبقى أبد الدهر تسكنني



يطوق جمالك قلبي



واخفيك عن اعين الكون



والآن



يتسائلون من تكون ؟



فأجيب : أنت لـــي

16 comments:

mycore said...

برافوووووووووووووووووووووو

حقيقى روعة

اللغة جميلة
الاحساس عالى
خيال عميق جدااا

بجد فعلا الله ينور تطورتى أوى أوى المرة دى بالرغم من إنى مش من مفضلى كلمات الحب الأوفر شوية لكن أنا هعتبرك إستثناء عن القاعدة لأنها بجد عجبتنى

أه على فكرة أنا هوقف كتابة فى المدونة بتاعتى وهعمل إن شاء الله مدونة غيرها وهبقى أجيبلك اللينك بتاعها

وألف ألف شكر على مساعدتك ليا فى موضوع الاغانى على البلوج بس مش عارف ليه مش بيرضى يقبل كل الأغانى؟

ع العموم تشكرى أوى أوى وإن شاء الله أشوفك السنة الجاية بتشترى اللحمة لجوزك وتضحكى عليه وتقوليله الكيلو ب40 جنيه وانت جايباه ب30 جنيه


ههههههههههه


yours

shayma said...

:)))))))))))))

حلوة اوىىىىىىى


عجبتنى جداااااااا
:)))
والاغنيه مالهاش حل
سلامى

فرنسا هانم said...

الله يا ملكه
جلالتك اسعدتى شعبك
وشوقتينا نعرف مين هو الفارس ده
اكيد اللى يعجز الوصف عن وصفه
يبقى حاجه محصلتش
كل سنه وانتى طيبه

no chance said...

السلام عليكم
اى يا ملكة دة انا اتفاجات
جامد جامد جامد
بجد حلو اوى

كل سنة وانتى طيبة والى مزيد من الابداع

RealMan said...

احساس راقي

اجمل حاجه فيه ان انا لما قريته تمنيت اني اكون الشخص ده.
واعتقد ان ده يخليني اقول انك قدرتي تلمسي احاسيس جميله جوانا. تحياتي علي الكلمات الرقيقه.

رئيس جمهوريه نفسى said...

الرفاق حائرون فى جنون يتسالون من تكون حبيبتى معرفش ليه وانا بقرى الكلمات كان اللحن والاغنيه بيرن فى اذنى ابدعتى بجد تحياتى
وكل سنه وانتى طيه ولو انها متاخره قوى

The Queen said...

mycore

ثناء عظيم من شخص بجد بأشهد له إنه مبدع .. ربنا يخليك يارب

وحقيقي تشجيع قوي جدا

بس مش عارفة انا مش شايفه ان في كلمات حب أوفر وبعدين انت هتقر واللا ايه ... صلي على النبي يا حاج محمد هههههه

كل سنة وانت طيب وبلاش الكلام ده بقى وقتها اللحمة اعتقد انها هتكون وصلت 40 جنيه فعلا ومش هحتاج انصب على جوزي
دمت بكل خير

The Queen said...

shayma

الحمد لله انها عجبتك يا شيمو

اتفضلي الاغنية متغلاش عليكي

منورة يا جميل كل سنة وانتي طيبة

The Queen said...

فرنسا هانم

خالتي العزيزة

اللي اقدر اوصفه بيه انه اي وصف قليل عليه

ربنا يحفظه ليا ويخليه

يسلم لي مرورك يا قمري وكل سنة وانتي احلى الناس

The Queen said...

no chance

الحمد لله انها كانت مفاجأة حلوة

ويارب دايما مشرفني وبتفيدني برأيك

ارق تحية كل سنة وانت طيب

The Queen said...

realman

منورة المدونة يا فندم

انا سعيدة جدا طبعا اني قدرت أعبر عن احاسيس ناس تانيه من خلال احاسيسي وكلماتي المتواضعة

شكرا لك

The Queen said...

رئيس جمهورية نفسي

أهلا بالريس بتاعنا كل سنة وحضرتك بألف خير ولا متاخرة ولا حاجة

جميل جدا ربطك للكلمات بالالحان العميقة المحترمة بتاعه زمان ودي مش أول سابقة ليك وده بيدل على حس مرهف أدامه الله لك وعليك

ارق تحية

المهاجر said...

و شايلة فى قلبك وساكتة ده مش قويس عشان الضغط

صالح سعيد said...

السلام عليكم
اولا انا اول مره ازور مدونتك وبصراحه المدونه مختلفه لانها رومانسيه وده سر جمالها بجد
ثانيا
اتمنى انك تزورى مدونتى المتواضعه ويا رب تعجبك
ثالثا
استمرى فى الكتابه الرومانسيه فهى كالعزف على اوتار القلوب

The Queen said...

المهاجر

فال الله ولا فالك ضغط ايه بس

اقرأ البوست تاني

The Queen said...

صالح سعيد

أول زيارة وشهادة غالية اوي واعتبرها وسام من الدرجة الاولى
منور المدونة وأشكرك بشدة على ثنائك
والحمد لله ان المدونة عجبتك وان شاء الله متكونش الاخيرة

بالفعل انا زرت مدونتك وهي رائعة وهكون متابعة لها باذن الله

ارق تحية