Wednesday, November 28, 2007

لا تسألوني


لا تسألوني لماذا أحبه

...ولا أين ومتى عرفته

...في اليقظة والمنام تمنيته

...في الواقع والخيال رأيته

...حلمت بحبه وهو بعد في رحم أمه

....وعندما شاء القدر ... التقينا ... وشاهدته

...ما أقسى الليالي التي مرت قبل لقائه

...ويالظلم الخيال لجماله

....فما أروع تصويره

...وما أبهى إطلالته

...كبدر في ليلة تمامه

...كملك في قمة زهوه

...اقترب مني وصافحته

...ابتسم برقة فصارحته

...احتضنني بثنايا قلبه

...وأخبرني بأنني حبيبة قلبه

...وسأحيا دوما في قربه

...مخلصة دوما لحبه

...أسيرة لجماله

...متعبدة في محرابه

...فلا تسألوني لماذا أحبه ... فأنا أحيا وأموت في حبه

22 comments:

اسكندراني في الغربة said...

يتربى في عزك وتفرحي بية يا رب

تحياتي

The Queen said...

اسكندراني في الغربة

اول زيارة ليك منور المدونة ويارب متكونش الاخيرة

بجد مش عارفة أقولك إيه يسمع من بقك ربنا بس اتجوز الاول ههههه

اول تعليق اسمعه بالشكل ده عن الخاطرة دي والواضح انك فهمت اني كتباها لابني يمكن لان في جملة بتوحي بده بس انا كتباها بقصد بيها الحبيب

تفسيرك ليهارائع بجد

بشكرك جدا وهعتبر ردك دعوة غالية بعتز بيها جدااا

safa7_karmooz said...

واو

مش عارف بجد اسقف ولا انحنى ليكى ولا ايه بالظبط

بجد مش عارف الاقيلها وصف معين يشكرك فيه

يعنى التعابير تحفة الاحساس عالى فيها اوى اوىىىىىىىىىىىىىىىىىىىىىىىىىىىىىى

مش عارف برضه :D

Unknown said...

ايه الكلام الجامد ده
تسمحيلى أقولهالك بالبلدى كده
(يخرب بيت إحساسك)
ههههههههه
بجد إحساس عالى وكلام طالع من القلب للقلب على طول
ويارب أشوفك منورة الكوشة إنتى وعريسك يارب لو موجود
ولو مش موجود نوجده
وبالمناسبة ياريت تبقى تقوليلنا مواصفات فتى أحلامك
عشان أجهز نفسى وماعملش أى حاجة منها
ههههههههههههههههههه
معلش إستحملينى أصلى من كتر الخنقة بهيس
للمرة التانية كلامك فعلا حلو وإستمرى وإن شاء الله نشوف منك المزيد

محمد شعبان

The Queen said...

safa7_karmooz

يا دي النور يا دي النور

والله ده انا اللي مبسوطة جدا انك حسيت بالكلام اوي كده

ويكفيني وجودك في المدونة

اهلا بك

The Queen said...

mycore

هههههههههههه

جهز نفسك انت بس وانا اجيب لك عروسة

وبعدين انا مواصفات فتى احلامي مذكورة في البوست انت ما اخدتش بالك واللا ايه؟

الملكة تحب مين غير الملك يا ابني

ميرسي اوي يا محمد على تشجيعك وكلامك الرقيق ده وده بعض مما عندكم يا فنان

تحياتي

Desert cat said...

حبيبتى ربنا يجمعكوا على خير ان شاء الله
وانا عند وعدى
دى مش الاغنية افتكرى كويس ايه هو بس هاتى القطة الاول
امواااااااااااااااه

سابرينا said...

هل يوجد من يستحق
أما نحن نتخيله وليس له وجود!
your words are awesome!!

The Queen said...

desert cat

ربنا يخليكي يا قمري

يارب افرح بيكي وتنوري الكوشة

وطبع افاكرة وعدك ومش هتنازل عنه

القطة جاية في السكة اهو

The Queen said...

sabrina

بكل تأكيد هنالك شخص ما يستحق منا كل الحب والاحترام
وان لم نكن نعرفه الان فسيأتي اليوم ونعلمه أو يبقى مجرد خياله في اذهاننا لنحبه
فنحن بحاجة ماسة للحب بكل أشكاله

ارق تحية

أبوسويلم said...

اجمل ما فى الحب
ان تتلاشى الفوارق بين الحبيب وحبيبه
وان يشعر الحبيب وكانه صار جزءا من حبيبه والعكس
ساعتها سيهون كل شىء اما حبه
تحياتى
والسلام

ملك الكبدة said...

شوفي
مشكلتك هي مشكلة كل الملوك و كل الملكات
يحبون في صمت
في كتمان
لان مظهرهم كملوك اهم الف مرة من عواطفهم
صح ولا ايه يا ملكتي

اصلي انا كمان ملك

تخميني انك مواليد برج معين

ولا ايييييييييييييييييييه

The Queen said...

أبو سويلم

احساسك عالي وكلماتك موجزة وصادقة

ارق تحية لك

The Queen said...

ملك الكبدة

كلنا ملوك ولكن لسنا في مملكة واحدة

فلكل منا مملكته الخاصة .. يحكم فيها بقوانينه

ومملكتي مملكة المشاعر والاحاسيس الراقية الرقيقة

وكلماتي هنا اصدق دليل ان حبي له هو ذاتي فأنا أحب نفسي لاني أحبه

ياترى برج ايه بقى اللي توقعته يا ملك ؟؟

وحياتك ساندويش كبدة احسن جعانة موت

نورت المملكة يا ملك وهنستناك المرة الجاية ومعاك اكله كبدة حلوة كده

تحياتي

ملك الكبدة said...

اختاري انتي يا ملكتي

يا الا اجاوبك عالسؤال او اجيبلك ساندويتش الكبدة

بس انا هلبيلك الطلبين
لاني كريم
موش ملك بقى

حضرتك اسدية او عقربية
ولا ايه

و ان كنت ارجح انك اسدية
و ان كنتي كذلك صدقيني لا تعطي مشاعرك الا لمن هو في قرارة نفسك تؤمنين انه اقوى منك بشكل ما الا انه لن يهينك بقوته و لكنه سيزيدك اشراقا
و سيقدسك

اما ان كنتي عقربية فانتي لا تحتاجي النصيحة

و ان كنتي لا دي و لا دي
فكلي كبدة و كبري دماغك و يبقى انا ملك خايب

ecuse me
your majesty

The Queen said...

ملك الكبدة

هههههههههههه

لا انا هاكل الكبدة واكبر دماغي على الاخر عشان انا بعيدة عن الاسود والعقارب خالص

معلش طلعت اوت منك دي

بس انا فيا بقى الصفة اللي ذكرتها الاول واعتقد اي بنت عاقلة تتمنى تاخد واحد اقوى منها لانه اهي الانثى وهو الرجل ومينفعش نقلب الآيه

الف شكر على تواصلك الطيب

Hannoda said...

الحب لا يفهم الأسئلة

ولا يلزمة أي اجابات

فهو مجرد
حتى من المنطق

يا رب يسعدك بحبك

The Queen said...

hannod

كلماتك رائعة ووصفك للحب زي ما هو بالضبط

يسلم لي مرورك يا قمر

منورة المدونة

ملك الكبدة said...

عموما انتي كسبانة
كبدة ايه ولا في اجدعها عربية كبدة في مصر كلها
احسن من الممالك و الجمهوريات
بس ابقي عدي و نفعينا عالعربية بتاعتنا

The Queen said...

ملك الكبدة

انا بعدي على العربية بتاعتك بس باين كده بعدي متاخر بتكون خلصت الكبدة كلها

شكرا يا ملك على مرورك

Anonymous said...

ومين قال انى الحب محتاج اساله من نوعيه ليه وازاى وامتى فين ؟
الحب جنون ولو اتبنى على اساله بقى حب بحسبات او بمعنى ادق حب فاشل

The Queen said...

رئيس جمهورية نفسي

كلامك صح مليون المية

وعشان كده قلت لا تسألوني

أسعدني حضورك يا سيادة الرئيس