Tuesday, April 15, 2008

!فن إيه اللي انت جاي تقول عليه



الفن مهنة من لا مهنة له !! .. عبارة تنطبق على الساحة الفنية الآن بكل طوائفها
ففي كل صباح تطل عليك وجوه جديدة لا تمتلك من المواهب التي تأهلها للعمل الفني أدنى درجاتها ، فكيف دخلت تلك العناصر إلى الساحة الفنية ؟ والسؤال الأهم كيف بقيت وكتب لها الاستمرار والنجاح والشهرة ؟


مع التقدم التكنولوجي واستحداث أساليب جديدة تساعد في تحسين جودة الصوت استحدثت أساليب أيضاً بإمكانها الاستغناء عن صوت المطرب ليكن هو مجرد داعم لها وليست هي من تدعمه ! فإذا ما تم حصر الأصوات الموجودة الآن على الساحة الغنائية والتي لها القدرة على الغناء بكفاءة بدون الاستعانة بالآلات الحديثة فسيعدون على الأصابع ، ويتضح ذلك جلياً في اللقاءات التي يكون فيها البث مباشرا التي تجرى مع " النجوم الورق " فلا يستطيع أحدهم الغناء بصوته ويتم إدخال أغنيته مسجلة بينما يقوم هو فقط بالتمثيل أمام الكاميرا


وكما نرى فان الغناء تحول لاستعراض ولكن يا ترى أي نوع من الاستعراض هو ؟
أذكر للفنانة " أصالة " رداً لها على تعليق من أحد زملاء الوسط حين " اتهمها بأنها تستعرض صوتها على المسرح ! " فأجابت : نعم ، استعرض صوتي فأنا مطربة وصوتي هو ما أقدمه للناس فماذا أستعرض ؟
الآن ما يقدم من قبل المغنيات " فلا يليق إطلاق اسم مطربات أو فنانات عليهن " هو استعراض لأجسادهن ويتبارون في تحطيم الرقم القياسي لارتداء أقل قدر من الملابس يمكن أن يستر جسد امرأة ناهيك عن الكلمات الهابطة والحركات الساقطة التي يقمن بها ..
قيل في السابق مع ظهور الفيديو كليب أنه تمثيل وتصوير لكلمات الأغنية فأين الآن الكليب من كلمات الأغنية ؟وأين الكلمات التي يمكن تسميتها بالأغنية


لم ينحصر تأثير تلك الكليبات على انحدار الذوق العام فحسب بل أمتد ليكون من الأسباب الرئيسية لارتفاع معدلات الطلاق ، فالرجل يريد أن يجد نجمة الكليب زوجة له في المنزل والزوجة لا يمكن أن تكون تلك، بأعباء الحياة والتزاماتها
الرجل لا يرى نجمة الكليب سوى في أغنياتها ولا يراها في واقع حياتها فيتخيلها أنها هي صورة المرأة المثالية الحورية التي نزلت من السماء لأجله أصبحت هي النموذج الذي يحبه وتكرار هذا النموذج أمام ناظره ليل صباح يؤكد له الفكرة ويعود لزوجته فيفيق من أحلامه الجميلة ليصب جام غضبه على زوجته ويؤذي مشاعرها بالتغزل بغيرها ومقارنتهم بها


ليس فقط المتزوجون من يعانون من هوس المطربات الفاتنات بل الشباب المقبل على الزواج أيضاً أصبح يرى بأن هذه الهيئة هي الصورة المثالية لزوجة المستقبل ويتمنى لو كانت زوجته مطابقة لتلك المواصفات ، وهكذا ينتقل المرض للفتيات أيضاً فتسعى الفتاة لتقليد ما تراه في تلك الأغاني لتكون الأجمل والأكثر جاذبية هذا إن لم تأخذها الأحلام لأكثر من ذلك وانزلقت في طريق تلك العرائس البلاستيكية المسماة بالمطربات

21 comments:

ا لـعـبـد لـلــه said...

معاكي حق لكن مش كل الشباب بيفكروا بالمنطق ده والكليبات دي بقت موضه وخلاص وأنا قليل جدا لما أشوف كليب ومش بحبها أنا بسمع الأغنيه وخلاص وبيهمني الصوت الجميل والكلمات فعلا الموضوع مهم والعنوان جميل
وعجبتني كلمة البلاستيك لأنها فعلا حاجه كده مافيهاش روح

The Queen said...

العبد لله

طبعا مش كل الشباب بس نقدر نقول معظمهم للأسف والمشكله كمان ان المتزوجين بيفكروا كده وبيهدموا بيوتهم علشان خيال
أحييك على رأيك وتفكيرك وياريت كل الشباب يكونوا زي حضرتك

منور المدونة وأهلا بتواصلك

منى said...

بصراحه اللى بيشوف الكليبات دى
هو اللى جابه لنفسه
سواء عشان الاحلام الصعبه اللى هيعيش فيها زى ما قلتى او الذنوب اللى هيشيلها من المناظر اللى مش ولابد فى الكليبات الاريه دى
ربنا يحفظنا ويهديهم
تحياتى

The Queen said...

منى

فعلا بس الزن على الودان أقوى من السحر واللا ايه ؟ لو تبطل القنوات العربيه الاسلامية عرض القرف ده علينا ليل ونهار اكيد ناس كتير هينصلح حالهم

ربنا يهدينا جميعاً

شكرا منى على زيارتك اللي أسعدتني وأتمنى التواصل

Unknown said...

على فكرة الشباب بتاعنا مش عيال لامؤاخذة بريالة
هما فاهمين جدا ولو تسألى أى واحد منهم تحب إن مراتك تبقى هيفاء وهبى مثلا هيقولك لأ طبعا لأن العرايس البلاستيك دى يتفرج عليا جايز لكن يتجوزها لأ وطبعا كلنا عارفين ماينفعش يتجوزها ليه ؟عشان طبعا هيشيل من قاموسه كلمة الرجولة والنخوة
مستوى الأغنية العربية كلها أصلا فى النازل بغض النظر حتى عن الأصوات عشان كده الواحد يسمع أغانى أجنبى أحسن عشان هما دلوقتى إللى بقوا يهتموا بالصوت والكلمات واللحن مع إننا كنا كده فعلا زمان أيام حليم وعبد الوهاب والجيل ده كله
ع العموم أنا كل علاقتى بالكليبات دى إنى أول مابشوفها بغير القناة وأتمنى إن كل الناس تتعامل مع الفن الهابط ده بنفس الطريقة

The Queen said...

mycore

أنا طبعاً مقدرش أقول زي ما قلت كده على الشباب لأني مش بعمم لكن دي حقيقة علمية أثبتتها تجارب
يعني مش كلام من عندي
في رجالة متجوزين مش شباب كمان وبيطلق مراته لهذا السبب !! وفي شباب كتييييير بيحبوا انهم يتزوجوا من فتيات بمواصفات هيفاء واليسا وماشابه
يعني الموضوع مش غريب أوي يا محمد زي ما انت شايف ومش هختلف معاك طبعا ان اللي بيرضى بكده مبيكونش مكتمل الرجولة لأنه لو انسان متزن مش هيرضى ان مراته بس تمشي جنبه وهي حاطه مكياج ملفت للنظر مش كمان تعمل اللي بنشوفه
بلاش الفنانات مش بتشوف كتير في اماكن عامة راجل طول بعرض ومراته ماشيه جنبه لابس ضيق او لبس يشف او يصف جسمها وبشعرها وميكب وكل البدع اللي في الدنيا ؟ شفت المنظر ده ؟ اكيد
تفتكر الراجل ده بيفكر ازاي ؟ اكيد بيفكر زي اللي اتكلمت عليهم انا في المقال ده فرحان بان مراته نجمة ماشيه جنبه يا فرحة قلبي
ربنا يهدي رجال ونساء وفتيات وشباب أمتنا

وشكرا لك يا محمد على مداخلتك وان كانت الكليبات الاجنبي أحط من الكليبات العربية بس فعلا الاغاني كلماتها افضل والحانها تتسمع

تحياتي لك

سنووايت said...

عندك حق
فن ايه اللي انت جاي تقول عليه
انا في فترة كنت ممكن اتفرج علي الكليبات من كام سنة كدة لحد ما بقيت بحس بالقرف منها اسلوب مستفز في منتهي القذارة , هو لسة فيه قلة قليلة هي اللي بتحترم فنها بجد بس الاغاني الجديدة اللي بيغنيها ناس ما تعرفيش دول كانوا ايه اصلا قبل ما يغنوا هي دي المصيبة لانها اكتر بكتير من الفنانين اللي بجد , الفنان اللي بجد مش محتاج لانه يعتمد علي المناظر و يعني مثلا فريق واما رغم انه جديد ما يعتبرش قديم بس كليباتهم الي حد ما محترمة بتحترم حياء المشاهد وغيرهم ناس تانية محبوبين ونجوم بجد.
ربنا يهديهم

Unknown said...

معلش يا ملكة كلامك جميل جدا بس آخر جملة دايقتنى بصراحة
الكليبات الأجنبى مش أحط وبرضو هنا فى مشكلة تعميم
يعنى كل أما تقول لحد أنا بسمع أجنبى بييجى فى دماغه على طول الاغانى الراب والأغانى النجر إللى بتتذاع على ميلودى وإحنا بكل سذاجة بنفتكر إن كل الأغانى الأجنبية كده عشان هو ده إللى بيوصلنا بس عشان كمان صاحب القناة عارف الشعب الغلبان بيحب إيه فإستحالة هيجيبله حاجة أجنبى نضيفة
على فكرة أنا بسمه موسيقى الروك والميتال ده النوع المفضل بالنسبالى وأتحداكى لو لقيتى كليب واحد فى النوعية دى بالذات فى أى حاجة خارجة بل بالعكس هتلاقيها بتنقد وبتعارض النوعية دى
معلش آسف إذا كان كلامى مباشر بشكل مبالغ فيه بس أصل فى جمل كده لما بسمعها بيركبنى عفريت وببقى مضطر إنى أرد وللأسف بسمعها كتير

شكرا ع المناقشة الهادفة يا ملكة

Unknown said...

معلش يا ملكة كلامك جميل جدا بس آخر جملة دايقتنى بصراحة
الكليبات الأجنبى مش أحط وبرضو هنا فى مشكلة تعميم
يعنى كل أما تقول لحد أنا بسمع أجنبى بييجى فى دماغه على طول الاغانى الراب والأغانى النجر إللى بتتذاع على ميلودى وإحنا بكل سذاجة بنفتكر إن كل الأغانى الأجنبية كده عشان هو ده إللى بيوصلنا بس عشان كمان صاحب القناة عارف الشعب الغلبان بيحب إيه فإستحالة هيجيبله حاجة أجنبى نضيفة
على فكرة أنا بسمه موسيقى الروك والميتال ده النوع المفضل بالنسبالى وأتحداكى لو لقيتى كليب واحد فى النوعية دى بالذات فى أى حاجة خارجة بل بالعكس هتلاقيها بتنقد وبتعارض النوعية دى
معلش آسف إذا كان كلامى مباشر بشكل مبالغ فيه بس أصل فى جمل كده لما بسمعها بيركبنى عفريت وببقى مضطر إنى أرد وللأسف بسمعها كتير

شكرا ع المناقشة الهادفة يا ملكة

snohe said...

والله انتى عندك حق
انا فعلا مش شايف
فن جيد باثتثناء القليل من الفنانين المحترمين
على فكره الفن مرأه تعكس مدى تقدم او تخلف المجتمعات
واحنا النهارده مجتمع العنب العنب العنب

The Queen said...

سنووايت

أنا زيك بالضبط بقرف وبتكسف اقعد اتفرج على الكليبات عامة دلوقتي
لان الغالبيه بالشكل المقزز ده مفيش احترام لاي قيمة ولا دين ولا اخلاق
حسبي الله ونعم الوكيل
لا واللي يغيظ ويشل حقيقي ان لما يستضيفوا واحده من اياهم دول ويقولوا لها لبسك فاضح تقول لهم لا خالص انا مش شايفه كده والمبرر الغبي بتاعهم " انا حلوة ليه ما البس اللي يبين جمالي ده " !!! صحيح اللي اختشوا ماتوا

شكرا لك سنووايت على مداخلتك الجميله
نورتيني

The Queen said...

mycore

أنا بيسعدني جدا ان اي حد يناقشني في رايي وسعيدة جدا بمناقشتك طبعا يا محمد بس انت على طول الخط فاهم اني بعمم وانا في كلامي مبقصدش انه شئ مطلق او بعمم ده على الكل بس يمكن هي الكلمه جت كده ردا على كلامك بان الاجبي افضل فكنت عايزة اقولك لاهو الاجنبي مش افضل مننا في النوعيه الي زي اللي بتكلم عنها عندنا
لكن في نوع محترم انا مش ضده بالعكس بشوفه زيك وبسمعه زيك برضه
وبرفض النظرة اللي الناس وخداها عن اللي بيسمع اجنبي انه تبع الجماعه بتوع عبدة الشيطان والكلام ده لا خالص طبعا
ده فن واعتقد انه في الوقت الحالي افضل اننا نسمعه من الهرتله اللي بقت هي الشكل العام للفن عند العرب

كلمتي كانت علشان ميكونش في تعميم برضه في كلامك ان كل الاجنبي حلو
المهم اننا نختار الشئ المفيد والممتع اللي نشوفه نسمع كلمات والحان حلوة ونشوف كليب معبر عن الكلام ده بشكل محترم ولا يخدش حياء اي فرد في الاسره
سواء كان عربي او اجنبي

تحياتي لك محمد

The Queen said...

snohe

اولا اهلا بيك ومنور المدونة واتمنى اشوفك دايما

والله انا بتمنى ان القلة دول يفضلوا محتفظين باحترامهم لنفسهم ولفنهم ولجمهورهم كمان
لان في كتير منهم بيضعفوا لما بيلاقوا مبيعاتهم بتقل ده طبعا لان الذوق العام في نحدار مستمر والجيل الجديد كله طالع بياكل عنب
قصدي بيسمع عنب وبلح وزفارة سمك
ربنا يسترها على الاجيال الجايه مش عارفه هيعملوا ايه

شكرا لك

الربان said...

تحياتي

اؤكد علي كلام حضرتك ، و للاسف نحن ننظر
الي المظهر و ليس الجوهر. نعم الشكل المقبول مطلوب...لكن ايضا علينا اختيار من سنحيا معه...القادر علي اسعاد الاخر...من ليس أنانيا...من سيظل معنا للنهاية حتي بعد ان يتقدم بنا السن.


تحياتي و تقديري

Anonymous said...

زي ما قلتي فن ايه الي جي تقول عليه
تجاره بتجاره
وتخريب بالمجتمع
وصار نادر تلاقي الطرب الاصيل منغير تزييف

مدونتك حلوه كتير

دمت

روري

رئيس جمهوريه نفسى said...

ايه فين ايام على علوكه واشرف كوخه ان صوتهم لا يعلى عليه وخصوصا فى اغانى الراب الاصيله ويا سلام على الواد فسفس لما كان بيقول الموال الشهير بتاعه فى مقام الجاز كان مبدع
تخيل لحوار بين اتنين مستمعين للاغانى بعد تطور الاغانى كام سنه يعنى قدام
انا مريح نفسى من الاصوات الحاليه يقتصر الاستماع لمنير وانغام وفيروز بصفه مستمره الباقى حسب التساهيل ومش بتفرج على كليبات اصلا لانى لما بسمع اغانى ممكن اكون شغال لكن لما بشوف كليب مش حعرف اشتغل لانى حكون مبحلق :$ وش مكسوف

Unknown said...

الفن دوما معروف بانه يعبر عن ثقافة المجتمع الخارج منه
وبتلك الطريقة فهو يعبر ثقافات سائدة فى مجتمعنا حاليا يشوبها الخطأ فى الكثير ولا نستطيع انكار ذلك لوجوده بقوة لكن الاهم كيف نقاوم تلك الثقافات الغريبة علينا المقصود بوجودها هدم القيم والتقاليد المصرية والعربية عامة والاحتلال الثقافى لنا

واخيرا تقبلى تحياتى

The Queen said...

الربان

ياريت يكون الشكل مقبول
ده الرجل اللي بيطلب الشكل ده يبقى عايز يعيش مع زوجة تركيب كل شئ فيها بيزال بقليل من الماء

الجمال الطبيعي هو اللي بيدوم وجمال الروح طبعا

ميرسي جدا على تشريفك وأأمل تواصلك الدائم

دمت بكل خير

The Queen said...

MĕŢø & ŘǿŖêĔ

ميرسي جدا على رأيك في المدونة

وهي بتحلى أكيد بزيارتكم الكريمة

دمت بكل خير

The Queen said...

سيادة الرئيس

ايه يا عم ده انت متابع جيد جدا

على علوكه واشرف كوخه

بس قدام شويه هيكون في مبدعين اكتر من كده واسماء بقى ايه ....... ربنا يسترها

وبلاش بحلقه بيسحب النظر

خلي بالك

منور يا ريس

The Queen said...

هيثم الدهشان

معاك حق

احنا ثقافتنا وذوقنا كمان بقى في الارض علشان كده كل اللي عايز يطلع يقرفنا بمنظره الغلط بيطلع وبيلاقي سوق ينشر فيه الزباله اللي بيقدمها ومحدش بيقوله انت بتعمل ايه والا ايه علاقتك بالفن اصلا

شكرا لزيارتك واتمنى ان تتكرر دائما