Sunday, March 23, 2008

برغم كل شئ


أصبحت الآن أكثر وعياً وإدراكاً عن السابق

ففي الطفولة كان السفر والرحيل لا يعني لي الكثير كما هو الحال الآن

ربما لم أكن أدرك بدقة صعوبة الابتعاد عن الوطن وإن كان شعوري بالفرحة عند قدومي إليها طاغياً وواضحاً بينما في الابتعاد عنها أشعر بضيق لم اكن أعلم أسبابه


الآن .. اشتاق لها قبل رحيلي عنها على الرغم من المعاناة التي أعانيها على أراضيها ولكنها تبقى الحضن الدافئ لي

بداخلي لها مشاعر حب فياضة وسر دفين يجذبني إليها

أشتاق للسير في شوارعها والحديث إلى اهلها .. ربما أشتاق لمجرد النظر في وجوه شعبها وقراءة تعابيرهم التي تنم عن قدر لا بئس به من المعاناة لأحدث نفسي حينها بأمنيتي الدائمة البائسة ، ان يكون بيدي يوما ما أن أخفف آلامهم وأجد حلاً لمشاكلهم التي تتزايد ولا تنتهي

اتمنى ان يحظوا بالراحة في بلادهم وأن توفر لهم ما توفره غيرها من الدول لشعوبها


أعترف بشعوري بالراحة خارج الاوضاع الاقتصادية والاجتماعية المتدهورة في بلدي

أنعم بالراحة واستطيع ان اوفر كل ما احتاجه بسهولة ودون معاناة ولكن يبقى السؤال لماذا لا أجد ذلك في حضن أم الدنيا؟

26 comments:

Khaled Farag said...

احسست بكلماتك جدا وربما لاننى عشت ماتعانية
تمنياتى بالتوفيق الدائم

سنووايت said...

كلماتك صادقة كتبت بمشاعر جميلة جدا ولكن يبقي السؤال!!!

رئيس جمهوريه نفسى said...

لانى بكل بساطه احنا ش عايزين نريح نفسنا
ان الشعب يوما اراد الحياه
لابد ان يستجيب القدر
واحنا مش عايزين للاسف

The Queen said...

khaled farag

كثيرا ما أرى أن من يستطيع تفهم كلماتي بعمق من عاش ما عشته ولكن الحقيقة تقول غير ذلك وهو ان كل انسان بقليل من التأمل في الوضع الحالي يرى انه ليس الوضع المقبول لاي شخص ليحيا حياة كريمة سعيدة

منور المدونة
اراك قريبا باذن الله

The Queen said...

سنووايت

ومحدش هيجاوب عليه غير اللي كانوا السبب في اننا مش لاقيين الراحة في بلدنا

ربنا يقل راحتهم آآآآآآمين

شكرا على زيارتك اللطيفة

The Queen said...

رئيس جمهورية نفسي

اكيد كل انسان بيكون عايز الراحة لكن احنا يمكن شعب بيحب يكون حاكمه " فرعون " ولو مكنش فرعون احنا نفرعنه ونرجع نشتكي

يارب نتحرك علشان نحقق اللي عايزينه

تحياتي لك

Salwa said...

يبقى السؤال لماذا لا أجد ذلك في حضن أم الدنيا؟

عندك كل الحق

ربنا يحفظك ويوفقك دايما

The Queen said...

salwa

يارب ألاقي ونلاقي كلنا كل حاجة في حضن أمنا وأم الدنيا
اللهم آمين

شكرا سلوى على تشريفك المدونة

nigro said...

عارفة يا ملكة كلامك ده فكّرني برباعية لصلاح جاهين
بتقول
كام اشتغلت يا نيل في نحت الصخور
مليون بئونة و الف مليون هاتور
يا نيل أنا ابن حلال و من خلفتـك
و ليه صعيبة عليا بس الأمـــــور
و عجبي
يعني سؤالك ده بيتسال من زمان
يظهر ان مكتوب علينا في بلدنا دي نسأل سؤلات من غير اجابات
كلامك بجد واصل للقلب
تحياتي

The Queen said...

nigro

ادينا في انتظار ان الوضع يتغير ونحس بالراحه في وطننا

بشكرك على زيارتك وعلى اضافتك الجميلة

دمت بكل خير

همس الاحباب said...

حب الوطن عبادة
مهما نشوف ومهما نعانى برده بلدنا بنحبها بكل ما فيها
نعم نتمنى انها تكون احسن بلد فى الدنيا ونعيش فيها كبنى ادمين
بس برده بنحبها
تحياتى ليكى

الأستاذ said...

أقولك حاجة حلوة أحسن
سافري جوة مصر
ابعدي عن الزحمة والدوشة والغلاء والغلاسة
وسافري سيدي عبد الرحمن في واحة سيوة أخويا راحها قبل كدة مفيهاش حد خالص واقعدي شوية مع نفسك وارجعي هتبقي كويسة وهتلاقي الدنيا هنا واحشاكي بكل مشاغلها ومتاعبها
يوم الإضراب في 6 أبريل متنسيش
مش عايزين حد ينزل من البيت خالص بجد
تحياتي

The Queen said...

همس الأحباب

وطبعا أنا مقلتش اني مش بحبها
أكيد بحبها وبحبها جدا يمكن اكتر من اللي عايش فيها ومفارقهاش
ولأني بحبها عيزاها تكون أحسن بلد في العالم وشعبها يكون احسن شعب لاننا مش أقل من اي شعب تاني مرتاح في بلده واللا ايه ؟

شكرا لك همس الاحباب واهلا بك دائما

The Queen said...

الاستاذ

أهلا وسهلا بيك

وشكرا على نصيحتك انا بغير جو بس مش جوه مصر ويمكن ده اللي مخليني شايفه عيوبها اكتر
بس ايه حكايه الاضراب دي انا معنديش اي معلومات عنها
لو ممكن تقولي تفاصيل اكون شاكرة

تحياتي لك

monaliza said...

وانا كمان بسأل نفس سؤالك
يجرى ايه لو احوال بلدنا تنصلح
تعرفى فى السعودية مثلا عندهم العيش بيتباع الاربعة بريال من 18 سنة وده سعره متغيرش وكل حاجة سعرها واحد من سنين ده غير ان مرتباتهم فى زيادة مستمرة عندنا بقى العكس ونفسى اعرف ليـــــه؟؟؟

احساس لكل النساء said...

عزيزتى
كل شئ فى حياتنا نحتاج الى ايام وشهور وسنين لكى ندرك معناه افضل

فالرحيل عن الوطن لاندركه ولا نحس به
ايام الطفولة

لاكن كلما كبرنا نعرف قيمة الوطن والام والحياة

كلنا نتمنا لشعوبنا الراحة والحياة السعيدة

لاكن ليت ما تتمناه الشعوب يتحقق

فكل شعب مجبر على حياه ترسمها له السياسة والاقتصاد والفساد

اكيد معناتنا فى بلادنا لا نقارن باى معناه خارج الوطن

لاكن هذه الدنيا

وطن نحبه

ووطن نحترم فيه

ووطن نهان فيه

تحياتى

سلام

The Queen said...

monaliza

أهلا بزيارتك الكريمة ويارب اشوفك منورة دايما

يا اختي الفاضلة البلاد دي بتحترم شعوبها بجد المواطن فيها مرفه لاقصى درجه بالرغم انه مش بيدي لبلده اللي بنديه احنا كمصريين لبلدنا
والموضوع مش موضوع امكانيات او فلوس اكتر ولا حاجه بس الفكرة في ازاي الحكومة تسرق الشعب وكل حكومة وليها اسلوبها ودرجه طمعها احنا موافقين انهم ياخدوا اضعاف اللي بناخده ملايين المرات بس نعيش مرتاحين مش عايزين نبقى حراميه زيهم ولا نولع في الفلوس مكان الشمع في اعياد الميلاد بس نبقى عايشين مش عايشين مع وقف التنفيذ

شكرا لك عزيزتي

The Queen said...

احساس لكل النساء

اهلا بك اخي الفاضل

اسمح لي بتعليق على جمله "
اكيد معناتنا فى بلادنا لا نقارن باى معناه خارج الوطن "

طيب تعالى نشوف ايه المعاناة اللي ممكن تلاقيها في اي بلد بره مصر وبين المليون معاناة اللي بتعانيها في مصر
انا مثلا بعاني من ايه بره مصر ؟ ولا حاجه بصراحه ولو اشتكيت من اي حاجه ابقى بدلع مش اكتر
امان مفتقداه في بلدي ببقى ماشيه في الشارع وخايفه حد يتعرض ليا او يخطف الشنطة او او
ببقى في بيتي وخايفه من السرقات غير الناس اللي مورهاش اي حاجه غير بتعملي ايه وفين وليه وحاشرين نفسهم في كل حاجه والحسد والقر بعيد عنك
اتخرجت بعد ما الدكاتره حسبي الله ونعم الوكيل فيهم يعذبوك ويذلوك ويسرقوا مجهودك تلاقيك عواطلي اد الدنيا ولو لقيت شغل يبقى قرف برضه ومفيش حاجه مريحة طبعا غلاء الاسعار ده موضوع لوحده الغش في كل حاجه يااااااااااااه هقولك ايه واللا ايه ؟
كفايه ان الناس هنا بتعاملني باحترام شديد ومش بتفرق بين صغير وكبير لانهم كلهم بني آدمين في مصر الموظف اللي معاه دبلوم يتنطط عليك ويشوح لك الواحد الصراحه جاب اخره من البلد دي

يبقى اي معاناه بره هتكون الطريق زحمة شويه وانا قاعده في السيارة المكيفه يبقى ده اسمه دلع واللا لا ؟

بس مفيش شك وبالرغم من كل المساوئ دي انا بعشق مصر ومبرضاش اي حد يذكرها بسوء لا قدامي ولا من ورايا لانها بلدي وعلشان كده بتمنى انها تكون احسن من اي بلد تانيه واللي نلاقيه بره يكون فيها لان مصر خيرها كتير بس مسروقه

mycore said...

والناس ترجع تقولك بتسمع ميتال ليه؟
عشان مش لاقيين إجابة على السؤال طبعا
الأرض بتلف بس فى مصر الأرض ثابتة
العالم كله بيمر بأربع فصول ومصر فصولها كلها بايخة وبقت شبه بعضها للأسف
لازلنا منتظرين غاندى جديد أو حتى تشى جيفارا
بس كلنا ماانفعش نبقى زيهم وأولهم أنا طبعا

بعيدا عن الموضوع ..ياريت تدعولى عشان أنا داخل على موضوع عاطفى جديد وهقول الكلمة إللى أنا شايفها بقت مستهلكة أوى _بحبك
بس طبعا الموضوع هيفشل وهتقولى خلينا إخوات أحسن عشان طبعا لسا ماجاوبتش على السؤال الإجبارى الرخم
بس هنعمل إيه أهى محاولات بائسة والسلام

شعبو

حازم سويلم said...

ربما يعود هذا الى كونها أطول مستعمرة فى التاريخ سواء كان استعمار خارجى او داخلى او علاقة تبعية مخزية
ولكن لن يتغير هذا من تلقاء نفسه او بمنحة من حاكم .. لن يتغير الا بنا

عن نفسى انا كمان بحب مصر جدا وشايفها أحسن وأغنى بلد فى الدنيا
تحياتى لصاحبة العصمة

The Queen said...

mycore

الناس في مصر عايشة تنتقد وبس بالرغم انها حاسه بالمعاناة وعارفه ان في قرف كتير حواليها بس لما تلاقيك بتخرج من القرف ده باي طريقه تروح تنتقدك !! يعني بيقولوا لك خليك معانا سايبنا ورايح فين ؟

ربنا يوفقك ونسمع عنك أخبار حلوة ومش مهم اجابتها على سؤالك بالكلام المهم مشاعرها تكون صادقه لان ده اللي بيستمر ويدوم
كل امنياتي بحياة موفقه سعيدة

The Queen said...

حازم سويلم

ومين اللي سايبها مستعمرة ؟ مش الشعب يبقى برضه احنا السبب والحل في ايدينا
وانا شايفه بدايه ثورة من الشعب يارب بس تكمل على خير وتكون قويه وعنيفه علشان الاحوال مش هتتصلح غير بكده

كلنا بنحب مصر وشايفينها ام الدنيا بس مش بالكلام بس هتفضل مصر ام الدنيا البساط بيتسحب من تحتها في مجالات كتير واحنا مش حاسين بنتكلم ونقول شعارات وبس وبنضحك على نفسنا مصر مبقتش مصر بتاعه زمان

شكرا على زيارتك واتمنى اني اشوفك دايما

ارق تحية

رئيس جمهوريه نفسى said...

اين جديد الملكه يارب تكونى بخير

The Queen said...

رئيس جمهورية نفسي

بشكرك جدا اخي الفاضل على سؤالك

أنا بخير والحمد لله والبوست الجديد في الطريق

تحياتي لك

سمكه وحده said...

عغندك حق في كل كلمه قلتيها بجد وياريت الوطن يوفر لينا كل حاجه

بس تعرفي انا مجربتش السفر والبعد عنها
بس تعرفي بردو من احلامي اني اسافر وده من اول متولدت ومن زمان اوي
وديما كنت بقول لو كنت ولد كنت سفرت من زمان انا بحب السفر جدا وديما مش حاسه اني مكاني في الوطن رغم انه وطني بس ديما مش حسه ان ده مكاني برغم ما بسمع من الغربه وما تسببه

اول مره ازور المدونه واعلق في البوستين بس بجد مدونه تستحق الواحد يشوفها

تحياتي

The Queen said...

سمكة وحده

انا بشكرك جدا على زيارتك وثنائك على المدونة
ده شئ يسعدني جدا
واتمنى تزوريني دايما
والغربة ملهاش سلبيات بالشكل المفهوم
هي بالعكس بتحببك اكتر في بلدك او بتزيد انتمائك لها
مش شرين بتقول يمكن ناسي لانك فيها مش وحشاك ولا غبت عليها بس اللي مجرب وفارقها قال في الدنيا مفيش بعديها
فعلا بلدنا على قد ما بنشوف فيها لما بنبعد عنها بنشتاق لها لانها ام الدنيا
ومحدش يقدر يبعد عن حضن امه
اتمنى لك سفرية قريبه تكون لبلد حلوة علشان تستمتعي بوقتك وتجربي حاجه هي بجد ممتعة ولذيذة
تحياتي لك