Thursday, March 6, 2008

ابن مصر




عصام الحضري ... حديث المدينة
لن اتحدث كثيراً عن الخطأ الفادح الذي سقط فيه الكابتن عصام الحضري حارس مرمى النادي الأهلي والمنتخب المصري ولكن حين أمسكت بقلمي لأخط كلمة تدوين وذكرى لهذا الحدث الذي تتحدث عنه مصر بأكملها الآن ، كان همسة عتاب في أذن كل مصري

لا يخفى على الجميع ما يقوم به الحضري وما يقدمه للمنتخب المصري ولناديه النادي الأهلي .. ولهذا المجهود الذي يقوم به فقد حظي بحب الجمهور المصري وربما العربي أيضاً وكل متابع ومحب لكرة القدم ..
ومن يحب يغفر ، ومن يحب لا يجرح من يحبه حتى وإن أخطأ ، فمن منا معصوم من الخطأ ؟

وبافتراض ان ما فعله عصام الحضري ليس خطأً وأنه مدرك تماماً ما يفعله فهذا لا يعطي الحق للجمهور بأن يسبوه سباً علنياً في الملعب ، ولا يعطي الحق لأي مواطن مصري أن يطلب سحب الجنسية المصرية من عصام الحضري !! ولا يصل الحال بأي شخص أياً كان أن
يصفه بالخائن
ماذا حدث يا شعب سمته الحب والتسامح ؟! كنا منذ أيام نهتف باسمه وبإسم كل لاعب رفع اسم مصر عالياً .. ضربنا مثلاً رائعاً في حب بعضنا البعض وحب الوطن
أعتقد أن كل عربي غار من الصورة التي ظهر بها المصريون بعد فوزهم ببطولة الأمم الأفريقية وتمنى لو كان مصرياً لينتمي لهذا الشعب
الرائع
فأين ذهب كل هذا الحب ؟ لماذا هذا الإنقلاب المفاجئ في المشاعر ؟ لا أريد أن أصفها بأنها مشاعر زائفة لأن هذا فيه ظلم كبير لملايين المصريين ولكن لنقل لماذا لا نعاتب عتاباً رقيقاً ليناً لا يترك أثراً سيئاً وبه نرجع الأمور لمسارها السليم .. ؟
ما أود أن أوصله للجميع هو أنه ليس مبرراً لأخطائنا أخطاء الآخرين ، كون عصام الحضري أخطأ في حق نفسه أولاً وفي حق جمهوره ثانياً أن نعطي لأنفسنا الحق في الخطأ أيضاً ولا نقبل لوماً ولا عتاباً
لا يجب أن نكون حادين في مشاعرنا بهذا الشكل الشائن .. انحدار مفاجئ من قمة الحب لقمة الكره .. ومن المدح الجميل للذم الذي يؤذي الآذان والنفوس
نحن مصريون .. مسلمون نحب الخير لإخواننا كما نحبه لأنفسنا ومن يخطئ منا ننصحه بالحسنى ولا ننبذه .. آمل أن يكون هذا هو نهجنا في سائر أمور حياتنا ليصلح الله شأننا

23 comments:

فرنسا هانم said...

خطأ الحضرى
انه استهان بمشاعر الملايين
وهرب فى عز فرحتهم بكاس افريقيا

The Queen said...

فرنسا هانم

متفقة معاكِ طبعا إنه أخطأ

بس كل مصري سب الحضري في الملعب أخطأ خطأ أكبر منه

انا بعترض بس على رد الفعل الأوفر للشعب وطريقة تعبيرهم عن غضبهم ده
بتمنى يكون أهدى ومحسوب في أي موقف كان

شكرا يا خالتي العزيزة

الأستاذ said...

آه
حديث الصحف
لأ المستفز فعلاً موضوع إنهم كانوا طالعين بيه السما ونفخوه جامد ساعة الكاس وفعلاً يستحق .. لكن بعدها علطول شتموه
ده اللي بيحصل عندنا في أي رياضة
الحلو حلو والوحش يتشتم
مع أطيب تمنياتي تزوريني إن شاء الله البوست القادم عن الموضوع ده بس من منظور تاني
تحياتي

The Queen said...

الأستاذ

بالضبط يا فندم ده اللي انا بتكلم عنه أننا فجأة نسينا ان الانسان ده فعلا كلنا بنفتخر بانجازه في مجاله وبقينا بنشتمه وده طبعا مش اسلوب حضاري بالمرة

شكرا لزيارة يا استاذ وانا متبعاك وان شاء الله في انتظار البوست القادم

شكرا لك

Anonymous said...

نتفق انى غلطه الشاطر بالف وكمان الحضرى اخطا فى هروبه المتعمد وهو عارف انه فى ماتش للاهلى وعارف كمان انى الموقف فى القائمه الافريقيه زفت للاهلى وكمان هرب ومكتفاش بكده وبيقول انى مجلس الاداره لعب بيه وعايز يامن مستقبله وهو بياخد 7 مليون جنيه فى الموسم بس انا مش معا الى عايز يسحب منه الجنسيه ولا الى بيقول يتحاكم غلط والامر فى ايد اداره الاهلى تحسبه ما الى هربو كتير جاءت عليه هو

كلية السياحة والفنادق said...

الى مملكتى
فى رأيى ان الحضرى أو غيره لهم الحق الكامل فى الإحتراف فالخارج فهم ليسوا عبيد وكذلك لا يختلفون كثيرا عن المهندسين والأطباء الذين يهاجرون حتى يحسنوا كثيرا من مستوى معيشتهم
مهما كان الخطأ الذى فعله يتضح فى إسلوب هروبه من مصر وطريقة رجوعه لها , أفعال مشينة , أنا أستغرب أبوه الذى رباه على هذه الكمية من البجاحة وألوم الحضرى الذى ترك أبوه الذى رباه على البجاحة وغيرها بهذه الهلاهيل
تحياتى لك ولقلمك المنفرد وإسلوبك الجميل
محمود

nigro said...
This comment has been removed by the author.
nigro said...

الصورة وحشة أوي
لما من كام يوم الناس طالعة باللعيبة السما و خصوصاً الحضري
و هوب.. فجأة
مش نزّلوه الأرض
لا.. دول قعدوا يشتموا فيه و اللي يطالب بإسقاط الجنسية عنه و اللي يقول ده خاين
ده على اساس ان المخابرات السويسرية جندته لحسابها و أنه أفشى أسرار عسكرية
هو فيه إيه؟
الناس دي مجانين
حقيقي بجد عيب اللي حصل ده

The Queen said...

محمود

محدش مختلف طبعا ان تصرف الحضري كان مش مظبوط ومش محسوب .. من حقه طبعا الاحتراف لكن ميخسرش جمهوره ولا احترام النادي الاهلي له
شكرا لك محمود

The Queen said...

mahmoud

طبعا حقه يحترف لكن مسأله هروبه ورجوعة دي وراها سر على ما اعتقد لاني مش مقتنعه ابدا بالكلام اللي هو قاله بعد رجوعه

ولا اعتقد ان الموضوع ممكن نصفه بانه بجاحه بل بالعكس هو غلط واعتذر أمام الملايين بغلطه ومش اي حد بيعترف الايام دي انه غلطان فدي نقطة تحسب له وليس عليه

ميرسي جدا لزيارتك

The Queen said...

nigro

االصورة وحشة وبايدينا نغيرها

نشجع اللاعب بس نحب بجد بلاش نقول بنحب واحنا من جوانا حقد ويظهر في المواقف دي

الف شكر لمشاركتك الحوار وزيارتك اللي بتسعدني

تحياتي

Unknown said...

إللى حصل من الحضرى هو مثال واضح لجهل اللاعبين عندنا للقوانين ومعرفة حقوقهم والمزيف من الحقيقى
الحضرى راح ضحية سمسار محترف بيقدر يقنع اللاعبين بحاجات مش موجودة غير فى المنام وللأسف الحضرى صدق
أنا بصراحة مش مع إننا نسامحه أو حتى نعاقبه عقاب شديد بس أنا شايف إنه مش هيلعب فى الأهلى تانى وبالنسبة للمنتخب فدى بقى هتبقى فى ايد شحاتة
وانا بصراحة موافق على إنه مايلعبش مع الأهلى تانى لأن الأهلى مش بيقف على لاعب مهما كان مستواه أو مكانته لأنه ببساطة مش هيقدر يلعب مع زمايله زى زمان وكمان جوزيه مش هيقدر يتعامل معاه تانى

شكرا لطرحك الموضوع يا ملكة

شعبان

The Queen said...

mycore

بشكرك جدا على تواصلك وبحترم رأيك طبعا كل الاحترام

ارق تحية

رئيس جمهوريه نفسى said...

انا علقت على فكره تحت اسم محمود بدل ما اتاخد غياب ولا حاجه

The Queen said...

سيادة الرئيس

أنا شكيت الاول بصراحة ان محمود ده يكون حضرتك بما إنك يعني كنت ناوي تعتزل وتتنحى عن منصبك

ميرسي جدا لتواصلك ومتابعتك وتشريفك اللي اكيد بعتز بيه

ارق تحية

امين سر said...

أنتِ
يا سارقة ياء النداء من حروفي
لماذا أنتِ مرتبكة ؟
نعم أعنيك أنت
ادعوك للإنضمام للفكرة
فانتِ وحدك .. تلك التي لم تأت
هذا طريق لم يكن يعرفه احد
و لا يعرف احد
طريق لم تعرفه اقدام المارة
و لم تدنسه من قبل عجلات سيارة فارهة وقودها من عرقك و دمي
تعالي معنا و املئي الدنيا بالضجيج
نظرة على اسرار اون لاين لن تضيرك
و مشاركتك تأكدي انها مصدر سعادة لنا
http://asraronline.com/vb/

أنا حر said...

الموضوع بسيط قوي على فكرة الحضريمارس حقه بس بطريقته الخاصة
المشكلة مش في الحضري المشكلة في الانديةالغبية اللي بتحرم لعيبتها من الاحتراف ودي النتيجة لعيبة بتهرب منها
عصام الحضري كان قابله شيكابالا وكان قابله ابراهيم سعيد وكان قابله شريف اشرف وغيره وغيره والسبب جهلنا باللعبة الاكثر شعبية عندنا
تحياتي

The Queen said...

امين سر

شكرا على دعوتك

The Queen said...

أنا حر

شكرا لزيارتك

وطبعا انت معاك حق بس الحضري بشعبيته كان لازم يختار طريقة افضل والاحتراف حقه ده مفيش كلام

تحياتي لك

البنت الشلبية said...

الحضرى غلط اه لكن من حقه وبعدين نعزره
وعامة اهى مشكلته اتحلت وربنا يوفقه
على فكرة انا زملكاوية

momken said...

الله انا شايف ان السعى على الرزق امر اللهى وربنا امرنا بيه
خصوصا فى ظل الظروف القاسيه الى بتعيشها البلد وغلاء الاسعار

الحضرى شخص لا يملك الا مهارته
يعنى ولا شهاده محترمه ولا فكر منظم
كل الى بيملكه مهارته فى حراسه المرمى
وقدامه سنتين مافيش غيرهم من حقه يامن مستقل اولاده مديا بعد ما يعتزل او يجبر على الاعتزال

نيجى لغلطته
الغلطه الوحيده هى عدم احترامه لعقوده
واتفاقاته
وده غلطه مقبوله لانه يوجد بند يسمح له بذلك
الحضرى لم يتخلى عن الاهلى لكنه ارد تامين مستقبل ابنائه

رفقا به وبسزاجته

تحياتى

The Queen said...

البنت الشلبية

كل المصريين ابدوا رأيهم في موضوع الحضري

وجميل جدا ان ده رأيك وانا بحترمه كل الاحترام بس نصيحه يا بنتي خليكي اهلاوية احسن هههه

ميرسي ليكي على زيارتك وتشريفك

The Queen said...

momken

بالضبط كده اي حد اكيد هيفكر في مستقبله ومفيش حد ليه الحق انه يغلط فيه بالشكل المشين ده

بشكرك على زيارتك واتمنى اشوفك دايما في المدونة