Thursday, February 5, 2009

عروسة الدراسة


في أشخاص في حياتنا مهما عشنا
مهما بعدنا
ولو انشغلنا .. أو حتى قلنا اننا نسينا
مش بنقدر ننساهم
ولا ننسى ايامنا وذكرياتنا معاهم
الأصحاب
قد ايه هم غاليين
ومش بنعرف انهم غاليين غير لما نحس بفرحة قلوبنا
لما يفرحوا
وبحزن العالم لما يزعلوا
ممكن الواحد يفتكر ان صديقه مجرد شخص في حياته
بيقضي معاه ايام دراسة
او وقت لطيف وخروجة حلوة
بس الحقيقة انه ليه معزّة اكبر من كده بكتير
بس مش بتظهر غير في اوقات معينة
******
صديقة الدراسة أغلى الأصدقاء
بقت عروسة
مكنتش عارفة اني هفرح اكتر منها
اكيد انا فرحانة اكتر منها
واتمنى زي ما حضرت حفل خطوبتها
احضر زفافها
جميلة هي الصداقات اللي بتستمر لأيام وسنين
لأنها صداقات بجد
وجميل اني اشوف صاحبتي النهاردة
بفستان خطوبتها
وافتكر انا وهي اول مرة شفتها وهي بلبس المدرسة
مبروك يا أعز الأصدقاء
وعقبال فستان الزفاف

13 comments:

romansy said...

الف الف مبروك الخطوبه

اصدقاء الراسه ليهم حب خاص فى القلب دايما

The Queen said...

romancy

الله يبارك فيك
طبعا اصدقاء الدراسة دول اغلى الاصدقاء
ميرسي على زيارتك

Anonymous said...

حلو اوى البوست ده

:)))

الف مبروك لصحبتك

وبجد عندك حق اصحاب الدراسه ليهم طعم تانى
:)))

The Queen said...

shayma

الله يبارك فيكي يا شوشو

نورتي الدنيا يا جميل

البحث عن الذات said...

الف مبروك لصحبتك وكمان ليك
عشان بتحبي من قلبك

وعقبالك

The Queen said...

البحث عن الذات

الله يبارك فيك
ميرسي جدا على الزيارة وعلى الدعوة الحلوة

MaNoO said...

أولا الف مبروك لصديقتك
ثانيا أول مرة فى مدونتك وتبقى مناسبة حلوة دى حاجة كويسة جدا
واضح من البوست اللى قراته انك بتكتبى من قلبك وعشان كدا ان شاء الله مدونتك هتكبر وتكبر تقبلى تحياتى واتمنى التواصل بالمدونات

فوبيا - سايكولاند said...

المراه كل ما تطلبه من الدنيا هو زوج صالح فاذا حصلت على هذا الزوج طلبت منه النيا وما فيها
مبروك

The Queen said...

MaNoO

بشكرك على زيارتك واتمنى تتكرر تاني

وعقبال عندكم جميعا

تحياتي

The Queen said...

phobia

المراه كما قلت تطلب من الدنيا الرجل الصالح
وبه تملك الدنيا وما فيها

شرفتني

Unknown said...

صديق قديم

آسف إنى بقول صديق عشان دى مش من حقى

بقالى فترة كبيرة اوى بعيد

فاكرانى؟؟

The Queen said...

mycore

طبعا فكراك

وبزور مدونتك بس واضح انك بطلت كتابة واللا ايه؟

نورت المدونة

Unknown said...


شركة تنظيف بالرياض
شركة تنظيف منازل بالرياض
شركة تنظيف خزانات المياة بالرياض
شركة نقل اثاث بالرياض

شركة تخزين اثاث بالرياض
شركة كشف تسربات المياة بالرياض
شركة مكافحة حشرات بالرياض
شركة مكافحة النمل الابيض بالرياض
شركة رش مبيدات بالرياض
شركة جلي بلاط بالرياض